URL w drugich tabelach referencěrowaś

Pada-li se, až sćo namakał internetny bok, kótaryž aktualne bursowe informacije w tabelowych celach wopśimujo, móžośo toś ten bok w LibreOffice Calc zacytaś, gaž ako slědujo póstupujośo:

1. Stajśo w dokumenśe LibreOffice Calc kursor do cele, do kótarejež cośo eksterne daty zasajźiś.

2. Wubjeŕśo Tabela – Eksterne zwězanja…. Dialog Eksterne daty se zjawijo.

3. Zapódajśo URL dokumenta abo webboka do dialoga. URL musy w formaśe http://www.my-bank.com/table.html byś. URL za lokalne dataje abo dataje lokalneje seśi jo w sćažce ako w dialogu Datajowy – Wócyniś….

   LibreOffice webbok abo dataju w „slězynje“ zacytajo, to groni, bźez togo aby se pokazałej. We wjelikem lisćinowym pólu dialoga Eksterne daty móžośo mě wšych tabelow abo pomjenjonych wobceŕkow wiźeś, z kótarychž móžośo wubraś.

4. Wubjeŕśo jadnu tabelu abo jaden pomjenjony wobceŕk abo wěcej. Móžośo teke awtomatisku aktualizěrowańsku funkciju z interwalom „n“ sekundow aktiwěrowaś a na W pórěźe kliknuś.

   Wopśimjeśe se ako zwězanje do dokumenta LibreOffice Calc zasajźijo.

5. Składujśo swój tabelowy dokument. Gaž jen pózdźej wocynjaśo, buźo LibreOffice Calc zwězane cele pó napšašowanju aktualizěrowaś.

6. Pód – LibreOffice Calc – Powšykne móžośo wubraś, lěc se ma aktualizacija pśi wócynjanju pśewjasć, pak pśecej, na napšašowanje abo nigda. Aktualizacija dajo se manuelnje w dialogu Wobźěłaś – Zwězanja… startowaś.